Við erum...

Noroff er norskur háskóli viðurkenndur af norska menntamálaráðuneytinu. Við bjóðum upp á gráður sem eru í takt við þarfir atvinnulífsins. Markmið okkar er að bjóða nemendum upp á hágæðanám sem nýtist þeim í starfi og færir þeim samkeppnishæf laun. Allar okkar námsbrautir eru þróaðar í nánu samstarfi við fyrirtæki í viðeigandi atvinnugreinum.

Við bjóðum...

Noroff býður eins- og tveggja ára diplómanám sem og nám á háskólastigi. Við erum með stúdentagarða víða um Noreg en leggjum mesta áherslu á fjarnám. Fjarnám Noroff veitir þér aðgang að efnisríkri kennslu með raunhæfum verkefnum sem öll tengjast atvinnulífinu. Hjá okkur starfar einvalalið alþjóðlegra kennara sem býr yfir mikilli þekkingu og reynslu. Þú færð aðgang að ýmsu námsefni, kennslumyndböndum, æfingum, verkefnum og spjallsvæði fyrir nemendur. Við stillum upp vikulegri námsáætlun sem þú fylgir og er námið því samspil sjálfstæðra vinnubragða og samskipta við kennara og aðra nemendur. Uppbygging fjarnámsins er á þá vegu að nemendur og kennarar eru í miklum samskiptum sín á milli í gegnum fjarnámskerfið. Allt nám fer fram á ensku.

Varðandi námið...

• Hægt er að skrá sig í nám hjá Noroff fjórum sinnum á ári; í janúar, mars, ágúst og október
• Hægt er að vera í fullu námi eða taka það á hálfum hraða
• Fullt nám er lánshæft hjá LÍN

Þeir sem ljúka tveggja ára diplómanámi hjá Noroff geta bætt við sig einu ári í eftirfarandi skólum og lokið þannig bachelor gráðu.

• Teesside University á Englandi
• Deakin University í Ástralíu
• University of South Wales í Wales
• AFDA Film School í Suður-Afríku

Nánari upplýsingar veitir: Denne e-postadressen er beskyttet mot programmer som samler e-postadresser. Du må aktivere javaskript for å kunne se den.

Talsmaður Noroff Education á Íslandi er Þór Clausen, netfang Denne e-postadressen er beskyttet mot programmer som samler e-postadresser. Du må aktivere javaskript for å kunne se den.